Ish kryeministri i Shqipërisë, Sali Berisha denoncon vjedhjen e mandatit të Partisë Drejtësi, Integrim dhe Unitet në Tiranë.
Ish-kryeministri ka postuar në profilin e tij në faceboook videon e bërë publike mbrëmë nga Mesila Doda.
Duke cituar “qytetarin dixhital”, Berisha shprehet se ekzistojnë edhe 19 video të tjera që dëshmojnë hapur vjedhjen skandaloze të mandateve nga kanibalet e votave të Edvin Kristaq Ramës.
“Qytetari dixhital denoncon: Vjedhjen e mandatit të PDIU nga Noriega në qarkun e Tiranës. Ai thotë se disponon 19 video për vjedhjen skandaloze të mandateve nga kanibalët e votave të Edvin Kristaq Ramës.
I bëj thirrje KQZ të rinumerojë nga e para votat për qarkun e Tiranës dhe për çdo qark tjetër ku ekzistojnë të dhëna për vjedhje të votave. I bëj thirrje Prokurorisë së shtetit të ndëshkojë me forcën e ligjit kriminelët e votës së shqiptarëve.
Lexoni ju lutem mesazhin dhe shikoni videon skandaloze që ka dërguar qytetari dixhital! Sb
“Përshëndetje doktor, kjo është vetëm nje prej shumë videove që kemi gjetur nga regjistrimet e kamerave, ku shihet se si PS ka tjetërsuar votën e PDIU gjatë numërimit. Kemi gjetur skandale të tjera dhe më të medha se kaq, janë plot 19 video të tjera me akte të dhunimit të votës gjatë procesit të numërimit“, ka shkruar Berisha në statusin e tij.
https://www.facebook.com/SaliBerisha/videos/825838434243732/
