Nuk ndahen nga sho-shoqi, megjithëse janë kundërshtarë. Duket sheshit që nostalgjia është ndjenjë e fortë, e cila i mundon shumë politikanët.
Sali Berisha dhe Ilir Meta kanë shfrytëzuar sërish një festë, si ajo për mëvetësinë e Kosovës, për të shkëmbyer përshëndetje, dy fjalë dhe rrëkëllitur ndonjë gotë.
Dikur aleatë, sot kundërshtarë, por asnjëherë nuk i kanë ulur urat e bashkëpunimit.
Një takim të ngjashëm bënë dikur në ambasadën kineze ku u mjaftoi një trokitje e lehtë gotash për të shbërë marrëveshjen për ligjin elektoral me prim që me aq shumë mund ndërtuan në Vjenë Lulzim Basha dhe Edi Rama.
Pas këtyre momenteve të hareshme takimi mes miqsh të vjetër, mos ka ndonjë surprizë për dyshen tjetër vjeneze?
Mbetet për t’u parë, aq më shumë që këto foto bëhen në vigjilje të mbledhjes në Kuvend.
