Kryetari i Partisë Demokratike Lulzim Basha ka ripërsëritur thirrjet për protesta masive më 18 Shkurt, duke thënë se duhet të ngrihemi kundër qeverisë, siç po bën Rumania.
“Janë braktisur pensionistët, familjet në nevojë dhe të pamundurit dhe një grup njerëzisht janë pasuruar. Thirrja ime është të ngrihemi bashkë në shembullin e kombeve të civilizuara si Maqedonia dhe Rumania t’i japim qeverinë shqiptarëve”, tha Basha.
Gjatë një takimi që zhvilloi me banorët e Kamzës Basha tha që” … Rama katër vjet më parë këtu premtoi se do bënte gjithcka për të pamundurit, taksat u rritën cmimet u rritën, asnjë nga familjet s’ka pasur rritje të ndihmës ekonomike”.
Më tej Basha shtoi: “Paratë e faturave të rritura nuk kanë shkuar për shkolla dhe spitale as për rritje pensionesh as për vende pune. Familjet janë shtyrë drejt dëshpërimit dhe vetëvrasjes”.
Gjithashtu kreu i PD-së tha se se opozita ka evidentuar fakte nga jugu në veri mbi gjendjen e rëndë të familjeve shqiptare.
“Me mijëra familje janë në kufijtë e dëshpërimit sepse paratë e faturave te energjise perfundojne ne xhepat e pushtetareve te lidhur me krimin. Qytetaret jane braktisur nga kjo qeveri. Ne kemi evidentuar gjendjen e mjerimit dhe kemi bere evidencen nga jugu ne veri te personave qe smarrin ndihme ekonomike dhe jemi gati ti ofrojme shqiptareve nje shperndarje te drejte te burimeve financiare”, u shpreh Basha.
