“SHBA e shpalli non grata Vangjush Dakon për “përfshirje në raste të mëdha korrupsioni”, por ai nuk ka dalë para drejtësisë, sepse Dako mbrohet nga Rama”.
Kështu shprehet kreu i opozitës Lulzim Basha, në një reagim në rrjetet sociale sa i takon faktit që Edi Rama nuk ka thënë asnjë fjalë të vetme për Vangush Dakon.
Basha thotë se Rama bën sikur nuk e di dhe nuk e sheh, atë që e kanë parë të gjithë shqiptarët. Lideri demokrat rithekson se e vetmja zgjidhje për të shkëputur lidhjet e politikës me krimin është largimi i Edi Ramës.
Reagimi i plotë i kreut të demokratëve, Lulzim Bashës:
Hajduti psiqik po bën ç’të mundet që të harrohet bankomati i tij personal Vangjush Dako.
Bën sikur nuk e di, nuk e sheh, nuk e dëgjon atë që sheh gjithë Shqipëria.
Edhe pse SHBA e shpalli non grata Vangjush Dakon për ‘përfshirje në raste të mëdha korrupsioni’ ai nuk ka dalë para drejtësisë për asnjë rast korrupsioni.
Kjo sepse Dako mbrohet nga Rama.
Ai nuk është thjesht një politikan i korruptuar por pjesë e krimit te organizuar, me të cilin vodhi zgjedhjet për llogari të pushtetit të Edi Ramës.
Vjedhjet e zgjedhjeve me krimin dhe grabitja e Durrësit janë bërë me mbrojtjen, dijeninë dhe për përfitimin e Edi Ramës që e mbron Vangjush Dakon, si bankomatin personal të parave të pista.
Edi Rama i mbron kriminelët brenda dhe jashtë politikës, sepse me ta e merr dhe e mban pushtetin.
Prandaj, largimi i Edi Ramës është zgjidhja për të shkëputur lidhjet e politikës me krimin, për të vënë qeverinë në interes të qytetarëve, jo të krimit dhe të oligarkëve me të cilët Rama vjedh dhe grabit çdo ditë shqiptarët.
