Në bashkëbisedimin me gazetarët Basha u shpreh se demokratët kërkojnë një qeveri teknike me kontributin e të gjithë forcave politike në vend për garantimin e zgjedhjeve të lira, por nuk tha nëse është rënë dakord për këtë cështje me kreun e LSI-së Ilir Meta.
Basha tha: “Kushdo që kërkon alibi për të rindezur konfliktin politik do të zhgënjehet thellë e do të përballet që nga dita e sotme me arsyet pse kërkon të rishpikë një luftë politike. Koalicioni për zgjedhje të lira e të ndershme do të zgjerohet. Qeveria teknike do të ishte zgjidhje e preferuar dhe për reformën zgjedhore.”
I pyetur nëse ka një premisë për një zgjerim të koalicionit PD-LSI Kreu i PD u shpreh:
“Sapo thashë kërkoj bashkëpunimin e çdo force politike, LSI dhe PS të cilët nuk duhet të nisen nga premisa e frikës së votës së lirë por nga përgjegjësia për zgjedhje të lira, mirëpres kontributin e çdo force politike, sic mirëprisja kontributin për të arritur konsensusin e 21 korrikut. Reforma zgjedhore është shans për Edi Ramën dhe Ilir Metën. Një gjë është e sigurtë ne nuk do rrimë duarkryq”
Kryetari i PD-se nënvizoi aksionin që opozita do të ndërmarrë për të zhvilluar zgjedhje të lira dhe të ndershme të cilat sipas tij janë të rrezikuara nga krimi dhe narkotrafiku.
