Kreu i PD Lulzim Basha i kërkon qeverisë që të marrë masa të menjëhershme për mbylljen e call center-ave, fasonerive dhe fabrikave me shumë punonjës, pasi ato janë sipas kryedemokratit burim i përhapjes së koronavirusit.
Sipas Bashës, qeveria duhet të bashkëpunojë me sipërmarrjen që ato të mos shkojnë drejt falimentit dhe punëtorët të paguhen nga buxheti i shtetit.
“Tu thuash qytetarëve se do dalin të bëj pazaret vetëm një anëtarë i familjes dhe të lejosh të punojnë 100 persona bashkë, ky është standard i dyfishtë. Nuk duhet pranuar ta çojmë sistemin shëndetësor në kolaps. Duhen marrë masa të menjëhersshhme. Të gjenden rrugë të ndërmjetme për qeverinë dhe sipërmarrjen për një zgjidhje për 4 javët në vijim.
Të gjithë bizneset që i lënë punëtorëet në shtëpi, qeveria tju paguaj pagen minimale. Për ato biznese që i lënë punëtorët në shtëpi dhe iu paguajnë pagat, të rimburohen nga shteti. Kjo kosto shkon në 15 mln euro.
Qeveria mund të eksplorojë edhe mënyra e alternative si shtyrja e pagesave, rimbursim i TVSH e masa të tjera. Në cdo rast qveria duhet të gjej gjuhën me biznesin. Ajo që duhet bërë menjëherë është mbyllja e fasionerive, call center etj.
Duhet të merren masa që sipërmrrja të mos shkojë drejt falimentimit dhe të lënë mijëra njerëz pa punë”, u shpreh Lulzim Basha.
