Një tjetër seancë e pazakontë në Parlamentin e Shqipërisë. Kryedemokrati Basha ka bllokuar folteren e Kuvendit duke i kërkuar kryeparlamentarit Ruçi që në seancë të jenë të pranishëm Rama dhe Xhafaj.
“Pezullo seancën, të vijnë këtu Edi Rama dhe Fatmir Xhafaj. Nëse kanë vendosur të mos vijnë, le ta çojnë deri në fund”, ka kërkuar Basha.
Ruçi i ndërpreu fjalën Bashës pasi kërkesa e tij ishte jashtë rendit të ditës, por ai nuk u largua nga foltorja çka bëri që Ruçi ta ndërpresë seancën për 10 minuta.
