Prokuroria e Posaçme Kundër Korrupsionit dhe Krimit të organizuar, ndryshe SPAK ka çuar hetimet jashtë vendit për atentatin ndaj prokurorit Arjan Ndoja tek Ura e Shkozetit në nëntor të 2019-ës.
Prokuroria në letrën e dërguar në adresë të një prej vendeve të Bashkimit Europian ka kërkuar informacion për disa persona me rekorde kriminale, që dyshohet të kenë lidhje të drejtpërdrejtë me atentatin e prokurorit.
Redjan Rraja është i arrestuari i vetëm i këtij atentati. Rraja akuzohet se ka marrë pjesë në atentatin e bërë kundrejt prokurorit Arjan Ndoja i cili mbeti i plagosur bashkë me shokun e tij dhe shoferin, ku ky i fundit ndërroi jetë pak ditë më vonë në spital.
34-vjecari nga Fushë Kruja i ka mohuar akuzat, por prokuroria këmbëngul se ka prova të forta shkencore që e implikojnë atë në ngjarje.
