Kryetari i Partisë Demokratike Lulzim Basha në një deklaratë urgjente për median pas arrestimit të drejtuesve të PD në qarkun e Elbasanit.
“Mbi 50 mbështetës dhe anëtarë të PD po mbahen paligj
shmërisht në arrest, – vërejti kreu i opozitës. – Qindra qytetarë të tjerë që kanë protestuar kundër qeverisë, ndaj aferave të tmerrshme nëpër Shqipëri, janë rrahur dhe dhunuar. Ky është bilanc regjimesh represive dhe jo vendi demokratik.
Ndërkohë, sistemi i drejtësisë është shpartalluar. Edi Rama ka vendosur në vend një sistem autokratik jashtë Kushtetutës. Pasi vuri nën kontroll të gjithë pushtetet, ai po i përdor kundër çdo kundërshtari të tij.
Raprezaljet kanë qëllim të vetëm të intimidojnë qytetarët për t’u tërhequr nga beteja. Është plan diabolik, është rrugë pa krye që po e çon Ramën drejt greminës ku do të tërheqë Shqipërinë. Ai po ndihmohet nga vegla të paskrupullta: Sandër Lleshi dhe Arta Marku.
U bëj thirrje oficerëve dhe prokurorëve të mos i binden urdhrave të paligjshëm. Askush të mos ketë dyshimin më të vogël se këto akte represive po thellojnë gropën ku ka rënë Edi Rama.”- tha Basha.
Kujtojmë që policia ka vënë në pranga pasditen e djeshme kryetarin e PD në Librazhd, Bujar Vreto, ish-deputetin e Qarkut të Elbasanit, Aurel Bylykbashi si dhe drejtues të tjerë të degëve lokale, pas protestës kundër vizitës së kryeministrit Edi Rama në Prrenjas dhe Librazhd.
https://www.facebook.com/lulzimbasha.al/videos/445734049583391/?notif_id=1560503784236610¬if_t=live_video
