Kryeministri i Kosovës, Albin Kurti në një deklaratë të dhënë për shtyp është shprehur se pjesëmarrjen e përbashkët në një tryezë në Mynih, me Presidentin e Serbisë, Aleksandar Vuçiç, nuk e konsideron një takim.
Kurti tha për Radion Evropa e Lirë se nuk është takuar me Vuçiçin. “Unë nuk jam takuar me Vuçiçin. Kemi qenë në një tryezë të rrumbullakët, ku kanë qenë të ftuar të gjithë udhëheqësit e Ballkanit Perëndimor”, u shpreh Kurti.
I pyetur të komentojë debatin me dyer të mbyllura, për të cilin Vuçiç tha se ishte “i ashpër”, Kurti tha se nuk dëshiron të japë detaje, duke u thirrur në rregullat e organizatorit të panelit, që nuk lejojnë të bëhen publike pikëpamjet e pjesëmarrësve.
Megjithatë, Kurti pranoi se ka pasur tensione në tryezën e rrumbullakët.
“Ai (Vuçiç) ndjeu shumë presion për shkak të asaj që thashë. Pastaj pasoi reagimi i tij me nervozizëm”, tha Kurti për Radion Evropa e Lirë.
A po e sjell Zvërneci fundin e tranzicionit shqiptar? –
Ngjarja e Zvërnecit dhe protestat që po e pasojnë atë këto ditë në Tiranë, por edhe në metropole të ndryshme...
