Partia Demokratike bëri publike sot një audio ku pretendohet se vëllai i ministrit Xhafaj ndihmon një trafikant që ka qenë bashkëpunëtori i tij para se të arrestohej në Itali.
Demokratët gjithashtu thanë se janë trafikuar ligjet nga Xhafaj me qëllimin që të mos ekstradohej i vëllai, Agron Xhafaj.
Ulsi Manja dhe anëtarja e PS në këtë komision Vasilika Hysi kanë dalë sot në një konferencë për mediat për tju përgjigjur akuzave të PD
Ulsi Manja tha se Reforma në drejtësi është vënë padrejtësisht nën sulmin e partive të opozitës.
“PD-në e kuptojmë se e ka braktisur paketën e dytë të ligjeve të paketës në drejtësi, por nuk e kuptojmë sot ndryshimin e qendrimit të LSI e cila ka qenë prezente në komisionin e Ligjeve. Konkretisht te projektligji, ligji tashmë i kodit të procedurës penale, neni 491. Komisioni i Posacëm i Reformës në Drejtësi pas miratimit të ndryshimeve kushtetuese dhe paketës bazë mori vendim që paketa e dytë të miratohet në Komisionin e Ligjeve. Ia dërguam seancës plenare dhe më 22 dhjetor 2016 Kuvendi vendosi që 26 projektligjet të shqyrtohen e miratohen nga Komisioni i Ligjeve. Neni ka qenë i reflektuar jo vetëm në draftin e grupit të eksperteve por më 12 mars një ditë para diskutimit ka qenë i shpërndarë për relatorët, misionit EURALIU-s, deputetëve të LSI, Ministrisë së Drejtësisë. Komisioni i ka miratuar nen për nen për 3 ditë ku e gjithë praktika parlamentare është e aksesuesshme për këdo që ka interes të zbardhë plotësisht edhe këtë nen shumë të debatuar”, tha Manja.
