Nje emigrant shqiptar është aksidentuar për vdekje mbrëmjen e të mërkurës në Itali teksa kishte dalë për shëtitje.
Mësohet se viktima është identifikuar si Halim Sulejmani, 63 vjeç banues në Emilia të Italisë.
Hetuesit, të cilët rindërtuan dinamikën e aksidentit, thonë se shoferi i makinës Benz nuk e vuri re 63-vjeçarin që po ecte në anë të rrugës dhe e goditi.
Shoferi kuptoi se çfarë kishte ndodhur vetëm kur dëgjoi zhurmën. Sipas deshmise, fillimisht ai mendoi se kishte përplasur ndonjë kafshë, por më vonë pa se kishte aksidentuar 63-vjeçarin.
Pas njoftimit ekipet e emergjencës që shkuan në vendngjarje, u përpoqën për të mbajtur në jetë Halim Sulejmani, por fatkeqësisht përpjekjet nuk dhanë rezultat.
Drejtuesi i makinës që përplasi shqiptarin, përsëriste vazhdimisht: “Nuk e kam parë, nuk e kam parë”.
Sipas kodit italian, ai po hetohet për vrasje në rrugë.
