Kreu i opozitës Lulzim Basha ka akuzuar ministrin e Brenshëm Fatmir Xhafaj për torturat e dikurshme ndaj të rinjve dhe të rejave të Krujës. Basha i bën thirrje Xhafajt që të publikojë të gjithë procesverbalet e shkatërrimit të drogës.
“Fasada vazhdon punën, Xhafa një njeri i stërvitur mirë me taktikat e sigurimit të shtetit, njësoj sikur torturonte të rinjtë dhe të rejat e Krujës, me të njëjtin zell, pacipësi, pafytyrësi i shkruan prokurorit dhe i thotë më thuaj se cilat janë rastet kur ju nuk jeni thirrur për asgjesimin e drogës.
Lere prokurorinë, leri mediat, opozitën dhe na trego procesverbalët e shkatërrimit të 2.5 mln rrënjëve të kanabist, të 10 mijë ton drogë. Tregoja shqiptarëve dhe të huajve, por nuk i tregon dot se droga nuk u shkatërruar por u magazinua nga kupola në magazinat e shtetit. Nuk ka si ta dorëzojë drogën Rama sepse ka dalë garant me kokën e vet, sepse është pjesë e drogës dhe e parave të drogës.”- shprehet Basha.
Basha akuzoi qeverinë se në përbërjen e saj ka 50 sharës me pagesë që mbjellin veç përçarjen mes popullit shqiptar.
“Brenda atyre mureve (duke iu drejtuar kryeministrisë), janë 50 sharës me pagesë që paguhen me lekët e popullit shqiptarë, shajnë opozitën, mediat, etj. Dhe këto sharës mbjellin përçarjen dhe urretjen dhe një ndër shprehjet e tyre më të përdorura është shprehja “malok”. E vërteta është se Rama ka qenë njësoj i rëndë për xhepat e malokëve të veriut dhe të malokëve të jugut”, tha kreu i opozitës.
Më tej Basha u shpreh se Fieri është qyteti i dytë pas Kukësit për largimin e qytetarëve, kjo pasi është shumë i varfër.
“Me gjithë këto asete banorët e qarkut të Fierit jetojnë në varfëri ekstreme. Fieri është i dyti pas qarkut të Kukësit për largimit të qytetarëve. Fieri nuk ka parë asnjë premtim të mbajtur nga fushatat zgjedhore. 250 milion euro në vit më shumë taksa vetëm për qarkun e Fierit”, u shpreh Basha.
Më shumë në 27.al
