Kryeministri Edi Rama deklaroi se dialogu me opozitën për të gjetur zgjidhje mund të bëhet brenda kornizës kushtetuese. Pas përfundimit të mbledhjes së grupit parlamentar PS-së në një prononcim të shkurtër për median Rama tha se nuk heqim dorë nga qeverisja sepse jemi të madatuar nga populli.
“Nuk heqim dorë nga qeveria, jemi të mandatuar nga populli, zgjedhjet janë të popullit dhe jo të partive”- tha Rama. Gjithashtu ai theksoi se mazhoranca është e gatshme të diskutojë me opozitën adresimin e shqetësimeve për zgjedhjet në Kodin Elektoral nën asistencën e OSBE-ODIHR. Më tej Rama përsëriti ftesën për dialog drejtuar liderit të opozitës Lulzim Basha.
“Të diskutojmë ballë përballë për atë që opozita kërkon brenda kornizës kushtetuese. jo vetmë për të bërë zgjdheje të lira dhe të ndershme, por edhe për të përcaktuar rrugën si vazhdim që nga rruga e përcaktuar nga Rilindasit tanë, Shqipërinë Europiane” -tha Rama.
