LSI nuk mund të na i faturojë të gjitha kostot e pushtetit neve
Ish Ministri i Brendshëm Saimir Tahiri i ka cilësuar deklaratat e LSI për të mos hyrë në zgjedhjet e Kavajës pa opozitën si destruktive dhe që nuk ndihmojnë askënd.
Në një reagim në facebook Tahiri thotë se ne u mësuam me këtë standart të çuditshëm të LSI si një partner në koalicionin, punon si qeveri dhe polemizon si opozitë.
Gjithashtu Tahiri thotë se LSI po sulmon PS-në duke i shkelur syrin PD-së. Më tej ish ministri i Brendshëm thotë se LSI kërkon që t’ia faturojë PS-së mangësitë e tyre në sektorët që ata drejtojnë.
“Jemi të vetedijshëm se kostot e reformave apo mangësitë e qeverisjes, edhe në sektoret ku drejtojne kolegët e LSI, jo vetëm s’i ndajnë me ne, po mesa duket duan t’i kthejnë në faturë elektorale kundër PS”, shkruan Tahiri.
