“Çështja Çame është çështje e të drejtave të njeriut dhe si e tillë ajo kërkon zgjidhje.”
Kështu tha kryetari i Kuvendit Ilir Meta në një intervistë në Top Story. I pyetur për përplasjet në media me PDIU-në, Meta tha që nuk ka asnjë problem mes dy partive dhe se LSI është e interesuar për zgjidhjen e Çështjes Çame.
Kryetari i Kuvendit u përpoq të shpjegonte pozicionin e tij në debatet e kohëve të fundit lidhur me Çështjen Çame duke theksuar se çështja duhet të zgjidhet me qetësi dhe në rrugën diplomatike. Meta tha se e mirëkupton kryetarin e PDIU-së Shpëtim idrizi, kur i ngre më shumë tonet për zgjidhjen e kësaj çështje duke theksuar se Idrizi i përket komuniteti të Çamërisë dhe PDIU e ka kauzën kryesore zgjidhjen e Çështjes Çame.
Meta foli edhe për debatin mes kryeprokurorit Llalla dhe ambasadorit të SHBA-së, Donald LU, për vetting-un dhe reformën në drejtësi në tërësi.
