Kreu i AK-së: Ai që është sot në politikë e ka të qartë se Ilir Meta ka vetëm një kundërshtar dhe ai është Edi Rama
Kryetari i Aleanca Kuq e Zi, Kreshnik Spahiu, propozon koalicion të gjërë opozitar ku sipas tij të përfshihet edhe LSI. Në një intervistë në “Shih Programin” në TVSH, me gazetarin Enkel Demi, Spahiu thotë me bindje se Ilir Meta është më opozitar me Ramën se sa Lulzim Basha.
“LSI-ja është më në opozitë se PD-ja me Edi Ramën, sepse ai nuk do të fusë në burg Bashën, por Ilir Metën. Edi Rama ka nxjerrë 5 herë dosjet Ilir Metës, nuk ia ka nxjerrë Lulzim Bashës. Rama i ka nxjerrë kasetën për bllokun me Dritan Priftitn, i ka nxjerrë kontratën e CEZ, i ka nxjerrë “tentativën e vrasjes” së deputetëve socialist, i ka nxjerrë përgjimet me Kastriot Ismailajn. Ai që është sot në politikë e ka të qartë se Ilir Meta ka vetëm një kundërshtar dhe ai është Edi Rama”, thotë Spahiu. Ai e përjashton mundësinë e përfshirjes në koalcionin qeveritar të ish-presidentit Bamir Topi, sot kreu i FRD-së, edhe pse dikur ishin aleatë të ngushtë mes tyre.
Për Byronë Kombëtare të hetimit, kreu i AK-së shprehet se është kthyer si Byroja Politike e Adil Çarçanit të para 30 viteve. “Shqiptarët nuk po e kuptojnë fare se çfarë është Byroja e Hetimit. Këta duan në një farë mënyre shumë më moderne dhe të sofiktikuar të ringrejnë Sigurimin e Shtetit, pra një lloj hetuesie”, tha Spahiu.
