Unë nuk kam menduar asnjëherë se Shqipëria do të kishte një datë për çeljen e negociatave dhe kjo nuk ndodh vetëm për fajin tonë. Ama për fajin tonë rrezikon që të shtyhet akoma
Kështu u shpreh Kryetarja e Komisionit të Integrimit, Majlinda Bregu lidhur me vedimin që Këshilli i Evropës do të marrë nesër lidhur me çeljen ose jo të negociatave me Shqipërinë.
Gjatë fjalës së saj në konferencën ndërkombëtare “10 vjet tregti e lirë” me CEFTA-n, Bregu tha se Inegrimi Europian është i vetmi proces për të cilin ka ardhur koha që të kemi një qëndrim unanim kombëtar, një kompromis historik ku të bëjmë gati vizionin në lidhje me këtë proces edhe për 10 vitet që vijnë. Me gjithë respektin tim ndaj BE-së, shqiptarët kanë humbur jo pak kohë, u shpreh Bregu.
Ndërsa duke folur për fondet që përfitohen nga BE-ja Bregu tha se sot bashkitë duhet të ngrejnë kapacitetet jo vetëm për të marrë projekte, por edhe për të qenë konkurrues në rajon. Shpejtësia dhe konkurrenca janë dy vlera që të bëjnë fitues, th Bregu.
