Profesori i socialistëve: Ka forca centrifugale që i largojnë nga njëra tjetra, PS funsksionon si OJF ndërsa LSI si parti Biznesi
“PS është kthyer në OJF ndërsa LSI në parti biznesi… rrezikojnë të mos e çojnë deri në fund të këtij mandati bashkëpunimin”, ky është konstatitimi i profesorit të socilaistëve, Servet Pëllumbi, ish-drejtues në forumet më të larta drejtues etë PS-së. Në një intervistë për Tema TV, Pëllumbi thekson se nuk mendon më si më parë kur deklaroi se PS dhe LSI duhet të shkrihen në një parti. Ai flet për situatën politike në vend, me kritika të forta si asnjëherë më parë për të majtën dhe të djathtën. “Po na drejtojnë injorantët” shprehet senatori socilaist, duke veçuar një fenomen mjaft negativ që i ka ndodhur Shqipërisë ndër vite, largimi masiv e pa kthim i rinisë dhe intelektualëve. Pëllumbi flet për qeverisjen, për aleancën PS-LSI, për Berishën me kriktika mjaft të forta, për opozitën e Lulzim Bashën por edhe për kanabisin e Koço Kokëdhimës. Ai ka kritika të forta për të gjithë.
Si njohës shumë i mirë i politikës së 25 viteve të fundit, duke qënë pjesë aktive e saj deri në vitin 2005, profesor Servet Pëllumbi është i bindur se orgjinina e problemit është në vitet 1990, kohë kur sipas tij në Shqipëri u zbatua strategjia e Katovicës, një teori konspirative për të cilën shumica nuk duan të flasin. “Edhe në se Ramiz Alia nuk ka qënë në Katovicë”, thotë profesori, “e vërteta është se në Shqipëri u zbatua pikë për pikë strategjia e saj”. Për këtë, Pëllumbi jep si provë çështjen e pazgjidhur të pronave por edhe ekzistencën në krye të partive kryesore politike të personave që kanë qënë pjesë e PPSH-së.
I pyetur në se vazhdon të besojë se PS dhe LSI duhet të shkrihen në një parti siç pati deklaruar pak muaj më parë, Pëllumbi shprehet kështu: “Në atë kohë kisha mendimin, se pas shkëputjes së LSI nga qeverisja me PD, lindi nevoja dhe mundësia e një koalicioni të majtë (e më gjerë) për të fituar zhgjedhjet. Dhe, logjikish e realisht në situata të ngjashme dy parti të majta, degë të një trungu, alternativën më të mirë kanë bashkimin. Kuptohet, kishte rolin e vet edhe dëshira që këto dy parti të majta të mund të bashkoheshin dhe të bënin një forcë më solide për një qeverisje sa më efektive. Kjo nuk ndodhi, sepse si në njërën dhe në tjetrën parti, ka forca centrifugale që i largojnë nga njëra tjetra. Kjë gjë u duk sidomos pas zgjedhjeve vendore të 2015-s .Prandaj, sot unë nuk e kam më atë mendimin e pare. Këto dy forca politike tani kanë më tepër dallime thelbësore .Nëqoftë se njëra ka pamjen dhe vepron si një firmë biznesi, tjetra po vepron si një OJF. Në rastin konkret është shumë e vështirë që këto të dyja, një OJF me një parti firmë të mund të bashkëpunojnë apo të bëhen një . Qofsha i gabuar, por unë shoh, madje ,dhe rrezikun e një çarjeje më të thellë në koalicionin PS-LSI. Është në shtratin e përgjithshëm të pluralizmit shqiptar që Partitë te ne i përngjasin një arqipelagu ishujsh që nuk japin e marrin me njëra-tjetrën.E ndjejnë veten “më mire”,sidomos kryetarët,duke qenë të mëvetesuar! Edhe pse intresi kombëtar kërkon tjetër gjë!” tha Pëllumbi.
