Nga Arben Llalla
Mitropoliti i Konicës, Pogoniatit dhe Drinopoleos, Andreas reagoi me një komunikatë kundër kryeministrit Rama, të cilin e akuzoi për ftohjen dhe nxitjen e problemeve të marrëdhënieve greko-shqiptare.
Ky reagim ndaj kreut të qeverisë shqiptare erdhi, pasi Mitropoliti Andreas akuzoi çamët për aktivitete antigreke të organizuar kohëve të fundit nga Shoqata “Çamëria”.
Drejtuesi i përgjithshëm i organizatës ekstremiste SFEVA, e cila punon për aneksimin e Jugut të Shqipërisë, Mitropolitit i Konicës, Andreas tha se çamët e sotëm janë pasardhësit e kriminelëve, të cilët bashkëpunuan me pushtuesit italianë dhe gjermanë në Epir-Thesproti.
Nuk është hera e parë që një klerik i lartë i Greqisë ngre akuza të rënda kundër shqiptarëve nga Çamëria. Por, akuzat për bashkëpunimin e çamëve me italianët dhe gjermanët gjatë Luftës së Dytë Botërore nuk janë vërtetuar asnjëherë. Kurse është vërtetuar shkencërisht se klerët e lartë të Kishës Autoqefale Ortodoke të Greqisë ishin bashkëpunëtorë të italianëve dhe gjermanëve. Për rikujtesë të Mitropolitit Andreas për bashkëpunimin e klerikëve grekë po sjellim fotot ku tregohet popullsia greke e Pogoniatit, Drinopolis dhe Mitropoliti i Konicës Dhimitrit Efthimiu, duke pritur me brohoritje gjeneralin-lejtnan, italianin fashist, Francesco Jacomoni në vitin 1940 në Pogonia-Voshtina, fshati ku ka lindur ish-Presidenti grek Karolos Papulias dhe aktori Fuat Boçi, të cilët atë periudhë kanë qenë të vegjël (rreth 10 vjeç) dhe mbase mbajnë mend diçka nga kjo pritje madhështore.
Mitropoliti i Konicës, Dhimitrit Efthimiu duke pritur me brohoritje gjeneralin-lejtnan, Francesco Jacomonin në vitin 1940
Oficeri italian, Michele Carmina me mitropolitin grek, 1942
Mitropoliti i Konicës, Dhimitrit Efthimiu duke pritur me brohoritje gjeneralin-lejtnan, Francesco Jacomonin në vitin 1940
