Dje, në Kuvend u votuan emërimet e dy ministrave të rinj, Bledi Çuçi në krye të Ministrisë së Brendshme dhe Milva Ekonomi në krye të Ministrisë së Bujqësisë. Bledi Çuçi dhe Milva Ekonomi u votuan me 97 voto pro dhe 4 kundër.
Ajo që ra në sy ishte që në emrat e deputetëve që votuan kundër qe edhe Mimi Kodheli. Po ashtu, kundër votoi Adriatik Alimadhi, Korab Lita dhe Zef Shtjefni.
Deputetja Mimi Kodheli foli në një lidhje direkte në Open në Top Channel sqaroi gjithçka duke thënë se ishte një lapsus.
“Dua të sqaroj publikun se ky ishte një lapsus. Unë jam në moshë të madhe dhe kam nevojë për syze. Mendova se po votonim kundër dekretit të Presidentit. Unë do kisha votuar me të dyja duart pro Çuçit dhe Ekonomit”,- tha Mimi Kodheli.
