Regjisori i njohur Edmond Budina shfaqet për herë të parë në publik pas infektimit me Covid-19.
Budina përfundoi vetëizolimin këto ditë, që prej momentit kur ISHP-ja e njoftoi se duhej të kryente tamponin, që më pas rezultoi pozitiv. Ishte kryeministri Edi Rama ai që e dha lajmin në publik se vëllezërit Budina ishin infektuar me koronavirus.
“Sikundër e shikoni, unë gëzoj shëndet të plotë. Pas dy javësh i mbyllur në shtëpi, në një burg të detyruar, natyrisht e kam thënë edhe në media, nuk them që s’kam qenë i infektuar se nuk kam të drejtë të dyshoj, por mënyra me të cilën emrat tanë u bënë publikë është skandaloz,” u shpreh regjisori Budina.
Regjisori Budina tha në një video të transmetuar në rrjetet sociale se do të vazhdojë të mbrojë kauzën për Teatrin Kombëtar, tashmë me mbështetjen e mediave dhe personaliteteve të rëndësishme në perëndim.
“Ne do të qëndrojmë këtu për t’i thënë jo. Ne nuk do ta lejojmë, ne do të luftojmë që ky vend të mos jetë më në duart e sulltanit. Teatri do të ndërtohet ku ishte dhe siç ishte,” tha ndër të tjera Budina.
https://www.facebook.com/110243613751205/videos/298764821312153/
