Kreu i PDIU, Shpëtim Idrizi ka reaguar lidhur me projektligjin e propozuar nga ministri i Brendshëm Sandër Lleshaj, për shpalljen e minoriteteve.
I ftuar në studjon e Abcnews, Idrizi tha se ne vazhdojmë të bëjmë gabime të rënda në lidhje me shpalljen e minoriteteve, kjo sipas tij kjo vjen përshkak të injorancë, mos leximit dhe presionit të Greqisë ndaj qeverisë shqiptare.
Gjithashtu, Idrizi fton të gjithë qytetarët ditën e shtunë më 27 qershor të bashkohen në marshimin në “Varrezat Monumentale të shqiptarëve të Çamërisë”, në Kllogjer, ku do të organizohet ceremonia përkujtimore e përvitshme.
“Nga injoranca, mosleximi dhe presioni i Greqisë ne vazhdojmë të bëjmë gabime të rënda. Nuk ka një document edhe përkufizim për minoritetet dhe pakicat kombëtare, nuk bie dakord as OKB as Parlamenti Europian. Në Gjermani flasin për të drejta individuale por kanë një përkufizim të rrespektushëm për sa i përket pakicave kombëtare ka dhe shumë pakica të tjera. Në Gjermani ka 4-5 milion shteas turq që jetojnë atje. Ata janë më shumë se 300 që flasim ne në Shqipri. Në qoftë se Gjermania do t’i njihte ata si minoritet gjysma e Gjermanisë do të ishte me tabela turqisht. Kto janë rregullat e europës. Kur Shqipria bëri ligjin për minoritetin, e nxorri Shqiprinë me 9 minoritete ndërkohë që ne e dim shumë mirë që gjysma e shqiprisë është jashtë, pra ne rrethohemi shqiptarët, nga Çamëria nga shqiptarët e Kosovës. Ne rrethohemi gjithandej nga shqiptarët dhe ndërkohë brenda kësaj Shqipërisë qenkan 9 minoritete. Kjo është çmenduri, ndërsa Kosova ka 6 minoritete. Ministri i Brendshëm padyshim që është i detyruar dhe sot po i them që të thellohet pasi injoranca nuk është argument, dhe të ndajë kush është pakicë kombëtare. Pakica është në zonë kufitare që i përket një shteti tjetër, por në atë zonë është mazhorancë me popullsin vendase. Aty është bërë një gafë, duke pas konceptin e Konvetës, Evropiane, dhe definicionet e pranuara si element pakice, që në 1936 Shqipëria i kishte të njohura Finiqi dhe Dropulli që Zogu i njohu si zona minoritare, minoriteti grek jeton dhe është i njohur në vendin tonë që në vitin 1937, për këtë dhe ne kemi përkrahur njohjen e komunave si copa minoritare”, tha Idrizi.
