Nga Dritan Kaba
DORA E ZOTIT CORONAVIRUSI DHE DORA E ZEZË E EDI RAMËS!
Mbyllja e Edi Ramës në kullën e Surrelit ka filluar të japë shenja të qarta të përçartjes së tij mendore! Sot më publikimin e tij në FB drejtuar shqiptarëve drejtpërdrejtë nga Kulla, ai ju tha se kjo pandemi ka një krijues edhe ky është Zoti!!
Ai iu tha shqiptarëve, që nuk po vuani nga dora e njeriut, por nga dora e Zotit! Nuk mund të ketë blasfemi më të madhe!
Në të gjithë botën njerëzit i luten Zotit dhe kërkojnë tek ai shpëtimin, i çmenduri i mbyllur në kullën e Surrelit fajëson Zotin!
Pas kësaj deklarate jam shumë i interesuar për reagimin e komuniteteve fetare në Shqipëri!
Po pres edhe po shpresoj të reagojnë për këtë blasfemi, që jo vetëm godet besimin e njerëzve në Zot, por e ben atë edhe fajtor për virusin corona 19. Nëse këto komunitete fetare nuk reagojnë atëhere janë autore së bashku me Edin në këtë blasfemi! Ata do ta meritonin vendin e lapsit në xhepin e Ramës! Nuk e di çfarë mendimi ka Kryetari Komunitetit Musliman të Shqipërisë z.Bujar Spahiu, arqipeshkvi metropolitan i Tiranës dhe Durrësit imzot George Frendo apo Kryepeshkopi i Kishës Ortodokse Autoqefale të Shqipërise imzot Anastasi!
Ndërsa për pjesen tjetër të fjalisë për punën e dorës së robit, desha të them se shqiptarët po vuajnë pikërisht nga dora e Robit! Dora e Zezë e Edi Ramës!
Po, po e Robit!
E atij që është rob ne Kullë nga krimi i organizuar dhe oligarkët!
E këtij Robi,i cili ka lënë pa asnjë kujdes me mijëra qytetarë në çadra, pa asnjë ndihmë, që të përballojnë luftën. Robi i ka lënë pa ujë, pa detergjente, pa ushqime, pa shtëpi ku mund të rrinë të mbrohem nga virusi. I ka lënë në mes të asgjësë dhe pa asnjë masë mbrojtëse në këtë luftë me virusin, siç i pëlqen Robit të citojë Presidentin e Francës.
Po shqiptarët po vuajne nga dora e Robit, sidomos kjo u pa me mjekët dhe infermieret, që i ka lënë në mëshirë të fatit dhe pa mjete mbrojtëse! Ky, Robi, i pajisi mjekët dhe personelin e shëndetësisë me “maska gazi” pa filtër dhe i çoi në frontin e luftës, lexo me maskat mjekësore të skaduara në vitin 2011 dhe siç dolën nga dokumentat këto maska ishin refuzuar në mënyrë kategorike nga Qeveria e Kosovës. Robi i çoi mjekët edhe infermieret me arrogancën e tij drejt virusit pa mbrojtje.
Po shqiparët vuajnë nga dora e Zezë e Robit Edi Rama!
Janë mijëra, që janë të mbyllur në shtëpi pa asnjë mundësi punësimi edhe pa asnjë të ardhur.
Janë mijëra pensioniste, invalide apo të pamundur, që jetojnë vetëm pa asnjë kujdes, se Robi ka ndaluar lëvizjen e njerëzve!
Po dora e Robit ka lënë pa asnjë kujdes ata mijëra studentë që punojnë në bar-kafe apo shërbime të tjera e për arsye të virusit nuk do jënë në gjendjë as të ndihmoj e prindërit apo vllezërit edhe motrat më të vogla, por nuk do kenë mundësi financiare të paguajnë shkollën në fund të vitit!
Po dora e Robit ka lënë pa asnjë subvencionim fermerët dhe blegtorët, jo vetëm tani, por ka tre vite që i ka ulur në maksimum financimet për ta!
Po dora e Robit ka bërë të largohen nga ky vend mbi 400 mijë shqiptare!
Po dora e Robit ka shkatërruar konkurrencën në ekonomi me tenderat pa gare, ku fituesit i cakton dora e Zezë e Robit!
Ështe dora e Robit, që përcaktoi PPP korruptive të check up, sterilizimit, laboratoreve në shëndetësi, të kontrollit të pompave të karburantit, të autostrades së askundit Milot-Balldren apo të zgjerimi të rrugës Orikum-Dukat, të koncensioneve kriminale të incerenatorëve, të koncensionit qindra milionësh të rrugës së Arbrit, që po u kushton shqiptarëve tre herë më shtrenjtë. Eh sa të tjera do shkruaja në vazhdim, por duhet të them edhe “mëkate” të tjera dora e Robit.
Është dora e Robit, që ka bërë ligjin antikushtetues të dividentit, ku mijëra biznese të ndershme u goditen pa shpine, duke favorizuar oligarkët e oborrit të Kullës!
Është dora e Robit që rriti çmimin e energjisë elektrike, ujit, karburantit, taksave vendore dhe qëndrore!
Është dora e Robit që e ktheu Shqipërinë në plantacion droge dhe uren kryesore të trafikimit të kokainës dhe heroinës!
Është dora e Robit, që po rrëmben pronat e shqiptarëve me ligjin antikushtetues të Koorparatës!
Është dora e Robit… Dora e Zezë e Edi Ramës!
