Presidenti serb Aleksandër Vuçiç ka deklaruar se ka refuzuar një plan që i mundësonte Kosovës të anëtarësohet në Kombet e Bashkuara.
Vuçiç ka thënë se Serbisë këtë vit do t’i ofrohet një plan që nuk do të mund ta pranojë.
“Jam i bindur për këtë dhe kjo do të ndodhë këtë vit. Do të tentojnë të na japin garanci për anëtarësim në BE, por me kushtin që ta njohim Kosovën, po ashtu do të na ofrojnë një status të veçantë për serbët në sfera të caktuara. Dhe çka pastaj. Unë do ta pyes popullin. Para 3 vitesh pyeta për këtë dhe askush nuk e deshi këtë. Jam i bindur që deri në fund të vitit do të marrim një gjë që nuk do të mund ta pranojmë, por nuk do të mundemi as ta refuzojmë. Jam pothuajse i bindur për këtë.” ka thënë Vuçiç.
