I ftuar në “Abc e mëngjesit”, drejtori i Qendrës Kombëtare të Urgjencës Mjekësore, Skënder Brataj ka folur për koronavirusin, i cili ka shkaktuar panik në të gjithë botën.
Ai theksoi se sado risk i ulët të jetë, ne nuk duhet të jemi të papërgatitur.
“Janë përcaktuar protokollet se si do të veprohet. Ka filluar aktivizimi në të gjitha pikat kufitare i pikave dhe po shikohet identifikimi i pikave të izolimit për të mbajtur njerëzit që do të vijnë. Personat, të cilat do të izolohen kanë nevojë për shumë shërbime të tjera, por dhe për pajisje, gjëra të cilat ne i kemi kompletuar.
Që kur dolën viruset SARS dhe MERS pranë Institutit të Shëndetit Publik është një laborator që bën analizën”, u shpreh Brataj.
Enkel Demi – Çfarë do të thotë izolim?
Skënder Brataj – Do të thotë lloji i virusit, është përcaktuar ADN-ja e virusit. Për virusin e fundit të këtij viti prodhohet vaksina për vitin që vjen.
E njohim virusin, por kemi infeksione nga bakteret, kur numri i tyre rritet dhe gjejnë kushte në organizëm kthehen kundër tij. Tek viruset është pak më e vështirë, sepse nuk kanë një terapi specifike.
Enkel Demi – A ka një protokoll sot, me çfarë preparatesh sulmohet?
Skënder Brataj – Organizmi është i bërë në mënyrë të tillë që çdo sulm që vjen nga jashtë prodhon antikorpet “ushtarët kundër”.
Çdo mbrojtje që merret në rrugët natyrore është më e mirë se ajo që merret në rrugë artificiale.
Enkel Demi – Pse duhen përdorur Maska kirurgjikale
Skënder Brataj – Rruga ajrore është e vetmja rrugë e sigurtë që merren viruset dhe në këtë mënyrë infektohen të tjerët, prandaj është e domosdoshme përdorimi i maskës kirurgjikale.
Enkel Demi – Këshillat?
Skënder Brataj – Po të kesh maskën apo një shami në momentin e teshtimës e bllokon përhapjen.
Izolimi i menjëhershëm nëpërmjet maskës, larjes së duarve, mbajtjes së higjenës është shumë e rëndësishm për të mos infektuar të tjerët. Armiku i injorancës është parandalimi. Nëse je më grip nuk ka arsye përse të mos i ndjekësh rregullat.
