Sot është arrestuar në flagrancë një 36 vjeçar teksa tentoi të vidhte një banesë në Shkodër.
Bëhet me dije se në pranga ka rënë 36 vjeçari me iniciale T.V i cili është banues në lagjen “Tre Heronjtë” në Shkodër.
Ai është kapur ndërsa po tentonte të vidhte banesën e shtetasit I.D një 50-vjeçar, në lagjen “Daniel Matlia”.
Gjithashtu, shtetasi T. V. ka thyer vendimin e gjykatës, pasi ndaj tij Gjykata e Apelit Shkodër, ka caktuar masën e sigurimit personal “Arrest në shtëpi”, për veprat penale “Shkelja e rregullave të qarkullimit rrugor” dhe “Drejtimi i automjeteve në mënyrë të parregullt”.
