Komisioni Qëndror i Zgjedhjeve ka vendosur që të mblidhet ditën e premte në orën 11:00 për të shqyrtuar kërkesën e PD-së në lidhje me shkarkimin e kryebashkiakut të Vorës Agim Kajmakun.
Ky vendim vjen pas denoncimit dhe verifikimit nga Prokuroria për falsifikimin e Formularit të Dekriminalizimit dhe kërkesës së Partisë Demokratike ndaj KQZ-së për shkarkimin e Kryetarit të Bashkisë së Vorës Agim Kajmaku.
Në akuzat e PD-së, Kajmaku ka fshehur arrestimin dhe hetimin në Greqi për veprën penale të përdorimit të parave fallco, si dhe duke fshehur identitetin e rremë të përdorur në Greqi për prindërit e tij.
Në kërkesën Partia Demokratike kujton se për këtë vepër të kryer nga Agim Kajmaku, ligji parashikon humbjen e menjëhershme të mandatit dhe dënimin e tij me deri në 4 vjet burg.
