Kërkesa për lirimin e KZAZ numër 2 në Shkodër pas dekretit të presidentit Meta është shoqëruar me tensione të forta edhe gjatë ditës së sotme.
Mësohet se ka pasur debate mes policisë bashkiake dhe policisë së Rendit, pasi mbështetësit e PD nuk lejojnë hapjen e derës së KZAZ-së.
Kujtojmë se edhe dita e djeshme ka qenë mjaft e tensionuar në Shkodër, pasi punonjës të bashkisë dhe ish-deputetë të PD-së, si Bardh Spahia, nuk i kanë lejuar FNSH-në dhe forcat policore të futen brenda dhe kanë mbyllur dyert.
Kryetarja e Bashkisë së Shkodrës, Voltana Ademi i dërgoi dje një kërkesë zyrtare Policisë së këtij Qarku, ku i kërkon mbështetjen për lirimin e ambienteve të Komisioneve Zonale të Administrimit të Zgjedhjeve.
