Vendimi i Presidentit të Republikës Ilir Meta për të shfuqizuar dekretin për datën e zgjedhjeve të 30 qershorit duke i dhënë një kthesë tjetër zhvillimeve në Shqipëri, ishte sot në fokus të mediave ndërkombëtare.
Lidhur me këtë vendim, televizioni amerikan FOX NEWS shkruan se Presidenti Meta kërkon shmangien e konfliktit politik dhe social në Shqipëri.
Lajmi i plotë
Presidenti i Shqipërisë Ilir Meta ka anulluar zgjedhjet e ardhshme lokale, ku kërkon shmangien e konfliktit politik dhe social në Shqipëri. Presidenti Ilir Meta rendit arsyet pse vendosi të ndërmarrë vendimin: “rrethanat aktuale nuk sigurojnë kushtet e nevojshme për zgjedhje të lira, demokratike, përfaqësuese dhe gjithëpërfshirëse” më 30 qershor.
Mijëra shqiptarë që mbështesin opozitën, u mblodhën për një protestë anti-qeveritare të shtunën. Pas perëndimit të diellit, gaz lotsjellës dhe kapsollat mjegulluan rrugët e Tiranës.
Opozita, e udhëhequr nga Partia Demokratike e qendrës së djathtë, akuzon qeverinë për lidhje me krimin e organizuar dhe manipulimin e votave.
Qeveria mohon akuzat. Udhëheqësit e opozitës po kërkojnë zgjedhje të parakohshme. Shtetet e Bashkuara dhe Bashkimi Europian i nxitën ata të heqin dorë nga dhuna dhe të ulen në një dialog me përfaqësuesit e qeverisë për të zgjidhur krizën politike.
https://www.foxnews.com/world/albania-president-cancels-elections-citing-tense-climate
