Lidhur me protestën e opozitës ditën e nesërme, rreth 1200 policë do jenë të angazhuar për protestën. Kryeministria do të qëndrojë e rrethuar gjatë gjithë kohës, ndërkohë që do të ketë edhe agjentë civil në terren.
Në Bulevardin “Dëshmorët e Kombit” janë shtuar kamerat e sigurisë, ndërsa janë lyer shtyllat me graso. Policia do ta vëzhgojë protestën edhe me dron.
Pjesë e masave të policisë pritet që të jetë edhe bllokimi i qarkullimit në rrugën “Ismail Qemali”, “Ibrahim Rugova” lidhje me bulevardin, ura e Lanës nga ministria e Brendshme deri tek Presidenca aty ku do të ndalohet dhe parkimi i mjeteve. Protesta nis në orën 18:00 dhe nuk ka ndonjë orar kur do përfundojë.
