Sipas Ramës taksa për “Rrugën e Kombit” e ka zanfillën në vitin 2010, pikërisht kohë kur vendi qeverisej nga Berisha. Kreu i qeverisë tha se Berisha mori iniciativën për të hapur këtë proces.
Berisha tha se në kohën kur ishte në pushtet u vendos që taksa të mos vihej, pasi është arterie e kombit.
“Po është e vërtetë që qeveria ime bën të gjitha studimet, asgjë s’ka të fshehtë këtu po është kaq e vërtetë që pas studimit u vendos që taksa të mos vihej. Vazhdojmë pak më tutje, a jam unë kundër fondeve për mirëmbajtjen e rrugës, në asnjë mënyrë. Jam, kam qenë dhe mbetem që mirëmbajtja e rrugëve t’u jepet kompanive private që kanë shumë herë më shumë mundësi.
Ata të cilët duhet të fshihen pas shpatullave të mia si mi, se burri se bën atë kurrë, i pyes pak. Pse se vura unë atë taksën? Unë aty e kisha studimin. Ramë dakord që kjo nuk do të ishte me tarifë, dhe nuk u vendos. Po janë të pafytyrë ata si puna jote që flet nga vendi, ata të cilët as i është dhënë kurrë dhe s’do jepej kurrë. Kjo është. Po të ishte dhënë do ishte bërë. Asgjë nuk më pengonte mua, po u pa që nuk duhej bërë. Duhej kaluar në variantin tjetër. Taksa nuk u vu dhe nuk do vendosej. Taksa nuk u vu sepse është arterie e kombit, jo vetëm e Shqipërisë, është dhe e Kosovës, dhe ky është për çdo shqiptar”, tha Berisha.
