Komisioni Qendror i Zgjedhjeve ka vendosur të plotësojë vendet vakante të anëtarëve dhe sekretarëve të Komisioneve Zonale të Administrimit Zgjedhor (KZAZ), që i përkasin Partisë Demokratike dhe Partisë Republikane, pasi këto të fundit kanë refuzuan të sjellin propozimet e tyre, sipas ligjit.
Në një deklaratë për median, zëdhënësja e KQZ-së, Drilona Hoxhaj tha se sot, KQZ, në zbatim të afatit ligjor do duhej të kishte marrë vendimin për ngritjen e KZAZ-ve dhe të kishte caktuar datën për thirrjen e mbledhjes së parë të tyre.
Shkaku që ky afat ligjor nuk u respektua nga KQZ, ishte mospërmbushja e detyrimit ligjor nga PD-së dhe PR-së në paraqitjen e propozimeve për anëtarë dhe sekretarë të KZAZ-ve.
Nga ana tjetër Hoxhaj tha se KQZ, në përmbyllje të afatit për shprehjen e interesit nga shtetas që kanë interes për t’u emëruar anëtarë apo sekretarë të KZAZ-ve, KQZ në rastin më të parë, me vendim do të emërojë anëtarët dhe sekretarët sipas rastit, për të plotësuar vakancat për çdo KZAZ, për të siguruar ngritjen dhe funksionimin e tyre në përputhje të plotë me përcaktimet e Kodit Zgjedhor.
