Komisioni Qendror i Zgjedhjeve nuk po dëgjon t’i japë mandatin e deputetit Kujtim Gjuzit, kryetarit të Partisë Konservatore, i mirënjohur si pellazg. Madje, sekretari i përgjithsëm i KQZ-së, Ylli Merkaj po qahet me zemër të keqe se Kujtim Gjuzi mbeti në korridoret e këtij institucioni, pasi lyp mandatin. Po përse çfarë pret ky njeri që udhëheqësi i së djathtës konservatore të flerë gjumë, kur i takon një mandat deputeti, për të cilin populli opozitar ka votuar masivisht?
Por, burime shumë të sigurta të 27.al kanë zbuluar përse nuk po jepet ky mandat. Kjo ka të bëjë me deklaratën e sinqertë të zotit Kujtim Gjuzi, i cili u shpreh që kur të hyjë në Kuvend do të udhëheqë opozitën. Në fakt, ai ka thënë një të vërtetë të madhe, sepse me kontributin e tij madhor në të djathtë e në opozitë, me karizmën që ka, është i vetmi që mund të udhëheqë opozitën parlamentare.
Kjo e vërtetë ka tmerruar Edi Ramën, i cili sheh kundërfigurën e tij në të djathtën opozitare, që i rrezikon seriozisht pushtetin, prandaj i ka dhënë urdhër KQZ-së që mos t’ia japë mandatin rivalit të tij të vetëm dhe të denjë.
Këtij komploti i është shtuar egoja e frikshme e Rudina Hajdarit, e cila e kupton që me hyrjen në Parlament e pellazgut Kujtim Gjuzi do të jetë numri dy i opozitës, gjë që e hedh në erë projektin e saj politik që mbështetet nga qeveria dhe Mero Baze.
Priten protesta të mëdha popullore nga konservatorët për ta shtrënguar KQZ-në, Edi Ramën, Rudina Hajdarin dhe Mero Bazen që t’i japin mandatin politikanit Kujtim Gjuzi.
