Nga Xherald Bizaku
Në fund të fundit kujt i bëhet vonë se çfarë thotë Lu-ja dhe gjithë soji i tyre, që janë kthyer në një megafon të Kryeministrit.
Z. Lu e mban mend se çfarë deklaroje para të rinjve para pak kohësh? Nëse politikanët nuk ju përfaqësojnë, merrni në dorë fatet tuaja.
Tani ti na thua që është e drejtë të përdhunosh Kushtetutën e Shqipërisë.
Z. Lu, si një i ri i këtij vendi mund të mos jem dakord me histerizmat e ndryshme dhe mund të mos i besoj thirrjeve të një partie politike e cila që në gjenezën e saj ka zhvatur këtë popull duke e kthyer këtë parti në një organizatë të strukturuar favoresh dhe pazaresh.
Por ama unë nuk mund ta pranoj që një njeri i vetëm të na grabisë gjithçka, të dhunojë gra dhe të reja.
T’i bëjë vetë të gjitha, kryegjykatësin, kryeprokurorin dhe kryepolicin.
Z. Lu, unë jam i bindur që edhe ti vetë e kupton që ka ardhur koha për të marrë në dorë fatet e këtij vendi por thjesht je vendosur në atë cepin tënd të rehatisë dhe i merr informacionet nga TV popullor i përkohshëm ERTV.
Në fund të mandatit ti do kthehesh andej nga ke ardhur por ata që do jetojmë këtu, jemi ne dhe vetëm ne.
Jetesë normale me këtë kryeministër nuk ka dhe nuk do të ketë.
