Presidenti serb Aleksandar Vuçiç ka reaguar mëngjesin e sotëm, pas dorëheqjes së Kryeministrit të Kosovës, Ramush Haradinaj.
Dorëheqja e Haradinajt, sipas Vuçiç ka prapavijë politike dhe se e ka bërë për të rritur popullaritetin. Vuçiç thotë se Serbia duhet të reagojë me qetësi, maturi dhe pa eufori sepse siç thotë ai, nuk ka arsye për festë.
“Jeta e serbëve në Kosovë pas kësaj do të jetë edhe më e vështirë dhe urrejtja ndaj tyre është edhe më e madhe”-tha Vuçiç në fillim të fjalës së sotme për qytetarët e Serbisë
Vuçiç shtoi se Haradinaj do të kthehet nga Gjykata Speciale si fitimtar, edhe më i fortë dhe më popullor para zgjedhjeve të ardhshme në Kosovës.
