Mbrëmjen e djeshme është qëlluar për vdekje një i ri 28 vjeçar në zonën e “Astirit”.
Viktima është Vilson Tafçiu, i cili në momentin e atentatit ka qenë i ulur në ambientet e një lokali, bashkë me miq të tij.
Sipas burimeve Vilson Tafçiu mban edhe mbiemrin Noka.
Autorët e kanë thirrur viktimën jashtë ambienteve të lokalit, e më pas kanë qëlluar me armë zjarri drejt tij, duke e lënë të vdekur në vend. Më pas autorët janë larguar me një automjet tip Golf 6.
Vilson Tafçiu ose Noka iashte larguar nga Shqipëria për në Francë në 7 mars të 2018. Në 12 mars të 2018 ai ka qenë i arrestuar në Francë për shpërndarje të lëndëve narkotike.
Pasi ka kryer 8 muaj burg, në 6 nëntor të vitit 2018 është deportuar nga Franca për në Shqipëri.
Mësohet se policia është duke hetuar në dy pista, në atë të së kaluarës së viktimës, por nuk përjashtohet mundësia që ngjarja të ketë ardhur edhe për shkaqe xhelozie.
