Nga Indrit Vokshi
Në Francë në 2010 janë vrarë 146 gra. Në 2011, 121 dhe në 2012, 148. Aktivistja Janine Mossuz-Lavau thotë se dhuna e denoncuar ndaj grave franceze është vetëm maja e Ajsbergut, se shumica e akteve nuk denoncohen.
Ndërkohë në Spanjë më shumë se 400 gra telefonojnë policinë çdo ditë ngaqë dhunohen.
Në Gjermani rezulton se 1/3 gra gjermane kanë përjetuar dhunë fizike, psiqike ose seksuale.
Sipas EU AFR (Agjencia për të Drejtat Themelore), 62 milionë gra në Bashkimin Europian janë përballur me dhunë, 22% me dhunë nga partneri.
Vendet me përqindjen më të lartë të rasteve të dhunës janë Danimarka (52%), Finlanda (47%) dhe Suedia me (46%). (Të gjitha këto sipas kritereve që këto vende përdorin për të përcaktuar dhunën).
I pruna këto të dhëna jo për të amnistuar dhunën në Shqipëri. Aspak. Dhuna ndaj çdo qenieje njerëzore duhet luftuar, ndaluar, eleminuar. Por u desh me i pru sepse ka një propagandë sikur ne jemi populli më primitiv e më kafshë i planetit. Duan t’na bëjnë inferiorë kundruall të tjerëve. T’na thonë, ja shikoni vendet e tjera të Europës, shikoni ju. Duke e fshehur të vërtetën që dhuna është problem global. Nuk e kemi veç ne apo ne më shumë se të tjerët. E kanë në përqindje të lartë këto vendet të cilat na i shërbejnë si shembuj. Mirpo këto ojf-të këtu paguhen për të na bërë të ndihemi kafshë.
Ka ardh koha për me dalë nga inferioriteti. Ne jemi shqiptarë, kemi problemet tona siç i kanë edhe të tjerët.
