Qyteti bregdetar i Vlorës u trondit mbrëmjen e së dielës, 24 korrik 2016, nga një krim i rëndë. Dy persona mbetën të vrarë me armë zjarri ndërsa një tjetër u plagos në lagjen “Partizani” në qytetin e Vlorës.
Krimi është shënuar në një pikë bastesh rreth orës 22:05 në një pike bastesh.
Viktimat janë identifikuar si Ilir Deromema, rreth 45 vjeç, banues në Vlorë, pronari i eurollotos ku ndodhi vrasja dhe Dhimitër Çani 60 vjeç, ndërsa i plagosuri është identifikuar si Krenar Runaj 53 vjeç.
Viktimat kanë qenë të ulur në tavolinat jashtë lokalit.Trupat e pajetë janë dërguar në morg, ndërsa i plagosuri është dërguar në spitalin rajonal të qytetit bregdetar.
Ai ka marrë dy plumba një në krah e tjetrin në legen dhe gjëndja e tij shëndetësore është e rëndë. Sot në mëngjes (25 korrik) ai është transportuar drejt spitalit të Traumës.
Gjendet makine e djegur- Një makinë e djegur, tip Xhip, me targa AA 210FS është gjetur plotësisht e djegur pranë varrezave. Dyshohet se mjeti i djegur është ai që kanë përdorur autorët e krimit. Pas verifikimeve rezultoi se mjeti është vjedhur në Fier, 2 muaj më parë.
Hetimet- Rrethanat e ngjarjes janë ende të paqarta, por burimet të Ora Neës bëjnë të ditur se autorët, mendohet se kanë qenë tre, kanë shkuar në vendin e ngjarjes me makinë.
Njëri ka zbritur nga makina dhe ka qëlluar në drejtim të viktimave. Më pas makina e autorëve të krimit është larguar në drejtim të varrezave ose fshatrave të lumit të Vlorës. Por këta janë të gjitha informacione paraprake pasi zyrtarisht policia nuk ka dhënë detaje.
7 te shoqëruar- Shtatë persona janë shoqëruar në polici.
Hasmeria- Dyshohet se objektiv i vrasjes ka qenë Ilir Deromema. Një nga pistat e hetimit është hasmëria, për një vrasje e ndodhur në 1998. Ilir Deromema dyshohet se ka qenë autor i vrasjes së Lame Gockaj.
Nisin kerkimet- Policia e Vlorës ka ngritur pika kontrolli në të gjitha rrugët dalëse dhe hyrëse të qytetit, me qëllim kapjen e autorëve.
Tronditet Vlora- Ngjarja e rëndë vjen në një periudhë kur qyteti i Vlorës është në kulmin e sezonit turistik dhe pushuesit janë të shumtë në numër
