Ish-deputetja e PD-së, Albana Vokshi e ka cilësuar të turpshëm faktin që urdhëruesit e vrasjeve sot mbajnë një minutë heshtje për 4 dëshmorët e demokracisë.
Në një status në Facebook, Vokshi ka postuar edhe një foto ku duket qartë urdhëri i Gramoz Ruçit për të dhunuar ashpër dhe për të përdorur forma nga më të ndryshmet që të pengojë protestuesit.
“Policia të ndërhyjë me ashpërsinë e ligjes dhe kurdoherë ushtrimin e forcës ta shoqërojë me ndalimin e fajtorëve që kap. Për të vepruar me forcën e shkopit nuk ka askush arsye të pyes përgjegjësin.
Goditni ashpër qysh në fillimet e grumbullimve. Për të paralizuar ata që nga turmat mund të goditin me armë forcat tona, zini lartësitë dominuese me qitës të përgatitur, forcat tona që përleshen me turmat mos shkojnë të armatosura. Gramoz Ruçaj”, lexohet në urdhrin e publikuar.
Vokshi thekson se është detyrë e të gjithëve ne t’a çojmë deri në fund amanetin e 4 dëshmorëve për demokraci të lirë dhe të ndershme.
Postimi i plotë i Vokshit:
TURP të kërkosh një minutë heshtje për 4 dëshmorët e demokracisë nga ata që urdhëruan vrasjen e tyre!!!
Bujar Bishanaku, Arben Broci, Nazmi Kryeziu dhe Besnik Ceka, martirë të demokracisë, dhanë jetën e tyre për një Shqipëri të lirë pa komunista e ish sigurima, pa vrasës e pa urdhërues vrasjesh…
Ndaj është detyre e gjithësecilit prej nesh të çojmë deri ne fund amanetin e tyre.
#NukKaKthimPas
#PërNjëShqipëriSiGjithëEuropa
