Partia Demokratike, përmes një deklarate të deputetes Albana Vokshi ka denoncuar sërish qëndrimin e qeverisë në lidhje me Teatrin Kombëtar.
Sipas Vokshit Rama, Veliaj dhe Kumbaro kanë mashtruar duke e justifikuar ligjin për shembjen me faktin se kompania “Fusha shpk” ka tokë në kufi me teatrin.
Sipas deputetes demokrate kjo kompani ka vetëm 298 metër katrorë në pronësi dhe kjo tokë nuk është kufitare me teatrin.
Fjala e Vokshit:
Prej 10 ditësh PD ka publikuar fakte se Edi Rama po përdor pushtetin kundër interesit publik duke shembur Teatrin Kombëtar për të ndertuar kulla në qendrën historike të Tiranës. Qëllimi i Ramës nuk është teatri i ri, por të pastrojë paratë e pista të drogës dhe korrupsionit. Përmes kompanisë “Fusha sh.p.k” Rama do të fitojë të paktën 205 milionë euro me kullat që do të ndërtojë në zemër të Tiranës. PD ka zbuluar mashtrimin e madh. “Fusha sh.p.k”, të cilën Rama po e përdor si kompani guackë për pastrimin e parava nuk është pronar kufitar me pronën e teatrit siç thotë qeveria në ligj. Kompania ka në pronësi vetëm 298 m katrorë dhe kjo pronksi nuk është kufitare me teatrin. 5522 metra katrorë janë pronë e Tetarit Kombëtar që do grabitet dhe po i jepet FUSHA shpk. Edi Rama, Veliaj e Kumbaro kanë gënjyer qëllimisht Kuvendin dhe kjo është arsye e mjaftueshme që Presidenti të mos e dekretojë ligjin
https://www.facebook.com/lulzimbasha.al/videos/1967725609945277/
