Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

VOA: Ritme të larta vdekjesh, shtrimesh dhe infektimesh në Shqipëri, në dy javë vdesin aq pacientë sa në dy muaj

Nga Ejona 0

Në Shqipëri vazhduan edhe sot vdekjet e përditshme për shkak të koronavirusit.

Edhe dy zonja 58 dhe 59 vjeç nga Tirana ndërruan jetë në 24 orët e fundit nga Covid-19 në Spitalin Infektiv, duke e rritur në 83 numrin e përgjithshëm të viktimave.

Nga 26 qershori deri sot, pra, për 13 ditë pa ndalim, kanë vdekur 28 persona, ose nga 2 – 3 persona përditë.

Në këto dy javë kanë vdekur në Shqipëri po aq pacientë sa në dy muajt e pikut të epidemisë, mars dhe prill. Më 29 prill u shënua vdekja e 31 e një zotërie 71 vjeçar nga Shkodra dhe gjatë muajit maj nuk pati më vdekje, gjë që solli zonat e gjelbëra dhe mbylljen e karantinës.

Shtrimet e pacientëve në Spitalin Infektiv janë po ashtu në shifra maksimale. Aty po mjekohen aktualisht 83 pacientë, 3 më shumë se më 2 prill, kur ishte maksimumi i valës së parë të epidemisë. Në këtë Spital 14 pacientë janë aktualisht në terapi intensive, ndërsa Instituti i Shëndetit Publik zbuloi edhe 68 persona të infektuar rishtas. Këto janë sa dyfishi i 34 rasteve maksimale të zbuluara më 25 prill. Gjatë prillit u zbuluan mesatarisht 8-34 persona të infektuar,

Sot, megjithë kthimin e vdekjeve të vazhdueshme në fund të qershorit, zyrtarët pohuan se nuk po planifikohet një karantinë e dytë, por vetëm zbatimi i masave shëndetësore.

Puna, lokalet dhe transporti publik janë hapur masivisht, por masat mbrojtëse të qytetarëve janë të pakta. /VOA

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej