Një 45 vjeçar ka humbur jetën pasi ka rënë në kontakt me energjinë elektrike. Ngjarja ka ndodhur pasditen e sotme në fshatin Radhimë të Vlorës. Viktima është shtetasi me iniciale A.V, banues në Orikum.
Ai është nisur me urgjencë në drejtim të spitalit rajonal të Vlorës me anë të një ambulance, por ndërruar jetë rrugës.
Policia sqaroi se: “Dyshohet se ngjarja ka ndodhur në një lavazh pranë vendit të quajtur “Kanali i Varkave”, Radhimë, të marrë me qira nga ana e tij. Grupi hetimor ndodhet në vendngjarje dhe po kryen veprimet për sqarimin e rrethanave dhe shkaqeve të ngjarjes”.
