“Virusi është midis nesh, nuk është shuar”, Pipero: Pacientët vijnë në gjendje të rëndë

Mjeku infeksionist, Pëllumb Pipero në një intervistë të dhënë ka deklaruar se nuk ka akoma zbutje të pandemisë në vendin tonë.
Pipero gjithashtu pohoi se kohët e fundit pacientët që kanë mbërritur pranë klinikës infektive në QSUT kanë qenë në gjendje të rënë dhe është përmendur edhe fakti se qytetarët mund të kenë frikë për të shkuar në spital.
“Nga numri i rasteve të gjurmuara do ketë luhatje, virusi është midis nesh, nuk është shuar, apo eleminuar epidemia. Duhet të themi që eksperienca e rasteve të rënda dhe të intubuara në të gjitha vendet nuk ka qenë e mirë. Ne nuk kemi pasur raste të shumta të intubuara. Pjesa e më madhe ka qenë më maskë oksigjeni, ku sot kemi një rast të intubuar në spitalin Covid 2. Në rast se mushkëritë dëmtohen oksigjeni nuk shkon në gjak, gjendja është e ndërlikuar…. Tani na vijnë në gjendje mesatarisht të rëndë. E kemi diskutuar dhe midis nesh dhe ndoshta besoj se ka një frikë për të ardhur në spital, sepse kanë frikë të veçohen nga famljarët, ose duhet të shikojmë te asistenca mjekësore për ta sjellë në kohën e duhur,”-tha Pipero.