Zbardhen të tjera detaje për viktimën e nëntë nga koronavirusi në Shqipëri. Bëhet fjalë për një 52 vjeçare, nga fshati Poro i Vlorës, ndërsa në njoftimin zyrtar të ministrisë mosha është dhënë gabim.
Ministria e Shëndetësisë tha se 52-vjeçarja nga Vlora, ishte e shtruar prej katër ditësh në spitalin infektiv në QSUT, ndërsa dy ditët e fundit gjendja e saj ishte rënduar dhe po trajtohej në terapi intensive.
Mësohet se ajo është kthyer para 14 ditësh nga Breshia e Italisë, ndërsa ditën e martë ka shfaqur problemet e rënda.
Sipas deklaratës së Ministrisë së Shëndetësise, mësohet se gruaja, e cila vuante edhe nga hipertensioni, ishte e shtruar prej katër ditësh në Spitalin Infektiv në QSUT.
Në 24 orët e fundit Ministria e Shëndetësisë ka konfirmuar 12 raste të reja me COVID-19. Ka shkuar kështu në 186 numri i personave të prekur në vendin tonë.
