Gjykata Kushtetuese ka lenë në fuqi pezullimin e ligjit të Vettingut dhe ka nisur shqyrtimin në themel të kërkesës së Partisë Demokratike dhe Unionit të Gjyqtarëve për shfuqizimin e këtij ligji, pasi ata pretendojnë se është antikushtetues.
Gjatë kërkesës për heqjen e pezullimit, deputeti i partisë Socialiste Pandeli Majko tha “Të hiqet pezullimi i ligjit të Vettingut sepse edhe sot ne nuk dimë arsyet se përse Gjykata Kushtetuese e ka pezulluar atë”.
Ndësa, Unioni i Gjyqtarëve kërkoi ruajtjen e pezullimit duke deklaruar se ligji “rrezikon vendin e punës për shumë gjyqtarë dhe prokurorë”.
I pranishëm në sallë, veç përfaqësuesve të opozitës dhe Unionit të Gjyqtarëve si palë të interesuara, ishte edhe Ambasadori Amerikan, Donald Lu.
