Kryetari i PDIU-së, Shpëtim Idrizi vë në dukje se në Shqipëri nuk është bërë asnjë lloj kremtimi për festën e pavarësisë së Kosovës.
Sipas tij, e gjitha kjo ndodh, sepse pushteti ka hall mos na mërzitet Vuçiç.
Ja reagimi i plotë i Shpëtim Idrizit:
Sot, është dita e Pavarësisë së Kosovës, por Edi Rama, vëllai i Aleksandër Vuçiçit, nuk e shpall 17 Shkurtin festë zyrtare, megjithëse ajo është ngjarja e dytë më e rëndësishme e kombit shqiptar pas shpalljes së pavarësisë së Shqipërisë.
Nga ana tjetër, Erion Veliaj nuk feston dhe në kryeqytet nuk kremtohet si duhet, përveç fotografisë së rastit që rilindasi nuk harron ta bëjë as kur kryen nevojat personale.
“Tirja i Tiranës” ka marrë rrugët të përçmojë shqiptarët e Çamërisë dhe të Kosovës dhe i përdor ata si gargare për të pastruar skandalet e tij të pafundme.
Në fakt, ne nuk presim që Tires së Bashkisë dhe shefit të tij, që i vë tra dhe i ngre taksa Kosovës, që heq nga programi i qeverisë Çështjen Çame, t’iu zgjohet ndërgjegjja kombëtare!
