Vera më e rëndë për shqiptarët. Është ky komenti i Petrit Vasilit mbi stinën që u mori jetën shumë njerëzve si dhe shkrumboi pyje të tëra.
Ai ka denoncuar zjarret që kanë rënë në Ardenicë ndërsa kujton edhe vdekjen tragjike të 13-vjeçarit kosovar në Velipojë.
Për këtë gjendje të cilën Vasil;i e cilëson bilanc lufte ai fajëson Ramën.
Status i plotë i Vasilit
Flakë në kodrat e Ardenicës. Një 13-vjeçar humb jetën duke u mbytur në Velipojë pak çaste më parë. Vera më e rëndë për shqiptarët.
Bilanc i rëndë lufte: tragjedia e të mbyturve në plazhet shqiptare nuk ka të sosur dhe zjarret po shkretojnë vendin dhe pasuritë e qytetarëve.
Të gjithë qytetarët janë në ankth dhe dëshpërim të thellë për vendin. Vetëm kryeministri është i qetë dhe i pashqetësuar hiç në romantizmin e tij veror dhe nuk shpenzon asnjë fjalë, as për qokë, e jo më për drejtim shteti.
S’na mbetet gjë tjetër veçse t’i urojmë pushime të mbara. Ç’lidhje ka ai në fund të fundit me këtë vend? Turist është. Iku dikur, erdhi, do iki prapë dhe hallet akoma më të mëdha do t’ua lerë shqiptarëve pa u zgjidhur asnjërën. Të tjerat… do t’i marrë me vete.
