Mali i Zi do të ketë edhe disa mungesa në ndeshjen e sotme kundër Kosovës. Serbia vazhdon me politikat e saj ndaj Kosovës, aq sa ato po vihen re edhe në sport.
Ishte presioni nga Beogradi ai i cili ka detyruar trajnerin dhe dy futbollistë me prejardhje nga Serbia mos pranojnë të jenë të pranishëm në ndeshjen e sotme të Malit të Zi përballë Kosovës.
Trajneri Lubisha Tumbakoviq dhe dy lojtarët, Mirko Ivanoviq e Filip Stojkoviq, njëkohësisht luajnë në klubin e Crvena Zvezdës nuk do të jenë pjesë e kombëtares së Malit të Zi.
Përfaqësuesja e Kosovës në futboll sonte do të luajë ndeshjen e Grupit A të kualifikimeve për “Euro 2020”, me Malin e Zi në Podgoricë nga ora 20:45.
