10 persona kanë rënë në pranga pas një operacioni të gjerë antidrogë të koduar “Country Hide” të ndërrmarrë nga policia italiane në Raguza.
Mediat italiane shkruajnë se përpos arrestimeve të shtetasve italianë, tunizianë, algjerianë dhe shqiptarë, policia po heton dhe më gjerë, për persona të dyshuar të përfshirë në këtë trafik të drogave të forta.
Shqiptarët e arrestuar janë Mesar Ruçi 44 vjeç i cili është shoqëruar në burg si edhe Francesko Liko 26 vjeç, Artur Liko 26 vjeç të cilët do të qëndrojnë në arrest shtëpie.
Të akuzuarit akuzohen për tregti droge, por edhe për vjedhje, të kryera në disa ferma lokale. Të arrestuarit kishin krijuar gjithsej 4 banda, me anëtarë të etnive të ndryshme dhe vepronin në komuna të ndryshme të Raguzës.
Në këtë operacion morën pjesë 50 karabinierë.
